@RTBB itariki 06 Gitugutu 2021 / Inkuru ya Isaac Bakanibona.
MUYINGA : INTWARO IBEREYE.
Umuyobozi mwishikira mu biro vya buramatari w’intara ya Muyinga, umupfasoni Denise Ndaruhekere yagiranye inama n’umugwi ujejwe umutekano muri iyo ntara kuri uno wa gatatu igenekerezo rya 6 Gitugutu 2021.Abitavye inama bihweje uko umutekano wifashe muri rusangi, no kurabira hamwe aho umugambi wo kwibomorera inyubako zubatswe impande y’amabarabara hatubahirijwe amategeko ugeze.Ibindi bihweje ni ingene ingingo zo kwikingira ikiza corona virus zubahirizwa, aho kwitegurira irima ry’agatasi bigeze n’ingene itegeko ryo kwororera ibitungwa mu mpongore ririko rirubahirizwa.
Mu kurangiza, umuyobozi mwishikira Ndaruhekere yasavye abagize umurwi w’umutekano mu ntara kugirisha amanama abo barongoye kugira ngo umugenzo mubi wo guharika ucibwe burundu.Mu ntumbero yo gukurikirana urwaruka, abarongoye imitumba basabwe kwama batanze urutonde rw’abana bahevye amashure.
Isaac Bakanibona @RTBB.
